| الاولى | إقتصاد | سياسة | إجتماع | الوسائط المتعددة | إنضم الينا | بيانات الحركة | الاخبار |
|
|
|
|||||||||||||||||||||
 |
بيانات الحركة إلهاء شعب بالجوع يستحيل انه يكون اللى بيحصل دلوقتى شئ غير الانتقام. الانتقام من شعب بتجويعه لالهاءه عن السرقة والغرف من جيوبه. إستغفال شعب واقف فى طابور العيش. شعب واقف قدام فرع عمر افندى او صيدناوى او اى عزبة من عزب القطاع العام اتحرقت بفعل شرارة كهربائية مجهولة الاب والام. شعب واقف بجركن مية مستنى عربية النزح تعدى بملوة. شعب اتخرس واتشل.. حركات وسخة..وساخة نفس إتربى عليها الخنزير مبارك وربى عليها الانتان امثاله سحب البضاعة من السوق وبالتالى رفع سعرها ..لعبة مبارك فيها استاذ. مفيش حد يقوللى انه مش عارف. لانه ابن الجزمة عارف كل دبة نملة. ومفيش شئ بيحصل الا بأمره. اسحب الدقيق من السوق ياوزير..الوزير يسحب اسحب الزيت من السوق ياوزير..الوزير يسحب اسحب السكر من السوق ياوزير..الوزير يسحب اسحب لبن الاطفال من السوق ياوزير..الوزير يسحب اسحب الدواء الفلانى من السوق ياوزير..الوزير يسحب اسحب التقاوى من السوق ياوزير..الوزير يسحب اسحب السماد من السوق ياوزير..الوزير يسحب اوقف القروض للمزارعين ياوزير..الوزير يوقف اوقف شراء المحصول ياوزير..الوزير يوقف هات لهم قمح وسخ مسوس ومعفن واعمله عيش ياوزير..عينى ياريس افتح المجارى على مية الشرب ياوزير..الوزير يفتح اللى يخرج فى مظاهرة اضربوه بالجزمة واللى تخرج فى مظاهرة اغتصبوها ياوزير..من عينى ياريس مش عايز مظاهرات..اضربوا الناس..اسجنوهم..موتوهم..بس مش عايز شوشرة..من عينى ياريس كفاية استغلال واستعباد كيف يمكن تفسير رفع مبارك سعر الزيت مرتين خلال اسبوع واحد ليبلغ سعر اللتر الواحد 7 جنيه ونصف للذرة و8 جنيه وخمسة وسبعين قرش لعباد الشمس!!! هذا برغم ان دخل الفلاح الشهرى وكذا العامل فى المصفاة وسائق الشحن لايتجاوز 100 دولار. يمكن لاى مواطن فى هولندا بلجيكا المانيا الدنمارك فرنسا ايطاليا وكل دول الاتحاد الاوروبى شراء نفس اللتر ب 99 سنت..يعنى نفس سعره فى مصر مع فارق الرواتب!!! دخل الفلاح والعامل فى المعصرة وسائق الشحن الشهرى فى غرب اوروبا 2000 يورو..اى مايعادل 15 الف جنيه!!! معنى دفعنا سعر المنتج المصرى كما لوكان منتج اوروبى هو ان الربح للمصنع المصرى اكثر من نظيره الاوروبى لانخفاض تكاليف دورة الانتاج فى مصر. فإذا كان مبارك بيطالب المواطن البسيط بدفع سعر السلع كما لوكان المواطن يعيش فى اوروبا فلماذا لايحصل العامل فى مصر على نفس دخل العامل فى اوروبا؟ كل المنتجات التى تحتكرها الدولة تباع بسعر اوروبى. معظم منتجات القطاع الخاص تباع بسعر اوروبى والعبيد العاملون فى تلك المصانع يحصلون على ابخس الرواتب التى لاتكفى لاطعام اسرهم. حرام..كفاية سرقة ونهب واستغلال ومص دماء الناس |
| الاولى | أكتب لنا | تعريف | مواقع هامة |